Bleika Eldingin ... ert þú nógu bleikur?

Bleika Eldingin er hvergi nærri hætt að gera baráttuveggspjöld, þegar Bleika Eldingin horfði á umræður formanna stjórnmálaflokkanna í Kastljósi áðan varð hún hugsi þegar hún sá aðeins einn kvenmann í stólnum. Endilega hengið þetta upp á vinnustöðum um allt land - kjósendur eiga að hugsa til þessa þegar þeir gera upp við sig hvaða flokk þeir ætla að kjósa í vor! Hér er veggspjaldið í stærri útgáfu í lit og hér er veggspjaldið í stærri útgáfu svarthvítt (fyrir þá sem eru ekki með litaprentara).

Á síðasta þingi voru samþykkt ný jafnréttislög, grípum aðeins niður í þessi ánægjulegu lög:

18. gr. Auglýsingar.
Auglýsandi, og sá sem hannar eða birtir auglýsingu, skal sjá til þess að auglýsingin sé öðru kyninu ekki til minnkunar, lítilsvirðingar eða stríði gegn jafnri stöðu og jafnrétti kynjanna á nokkurn hátt.

19. gr. Menntun og skólastarf.
Í náms- og starfsfræðslu og við ráðgjöf í skólum skal leitast við að kynna bæði piltum og stúlkum störf sem hingað til hefur verið litið á sem hefðbundin karla- eða kvennastörf.

Smelltu hér til að skoða lögin í heild sinni.

Þetta er að sjálfsögðu aðeins brot af lögunum en endurspeglar vel jafnréttisanda þeirra. Í þeim er lagt blátt bann við hvers konar mismunun auk þess sem efla á rannsóknir í kynjafræði. Með lögunum á nú að brjóta á bak aftur viðtekin viðhorf karla til "hefðbundina kvennastarfa". Lögin eru skref í rétta átt en betur má ef duga skal! Næsta skref er að binda í stjórnaskrá fléttulista til bæði sveitastjórna- og Alþingiskosninga. Rödd kvenna er ekki nægjanlega hávær fyrr en hún er jöfn rödd karlanna, á þingi sem og annarsstaða.

Bleika Eldingin er ekki bundin við neinn stjórnmálaflokk, við fögnum hins vegar skýrri stefnu VG og Kvennahreyfingar Samfylkingarinnar sem vilja auk hlut kvenna á þingi með reglum. Núverandi kosningakerfi hefir ekki skilað nægum árangri. Ef litið er á sögu mannkyns hefur löggjafinn ávallt þurft að grípa inní, svo konur geti fengið að njóta sömu réttinda og karlar. Gleymum því ekki, að ekki er öld síðan konur fengu kosningarétt hér á landi og þær þurftu sko að berjast fyrir honum.

Barátturödd kvenfrelsis má eigi þagna fyrr en réttlátu stjórnkerfi jafnréttis hefur verið komið á.

Dæmigert fyrir karlana, þegar frambærileg kona á möguleika á því að verða forsetaefni þá hleypur feðraveldið upp til handa og fóta og tryggja að karlaveldið líði ekki undir lok. Það yrði þvílíkt framfaraskref fyrir Bandaríkin að fá kvenkynsforseta - þó atkvæði okkar telji ekki þá máttu vita það Hillary Bleika Eldingin styður þig.

Niður með feðraveldið - áfram Hillary!

Konur geta líka gegnt forystustörfum, við erum alveg jafnhæfar og karlarnir!

	Edwards saxar verulega á forskot Clinton
Ábyrgðarmaður færslu Tilkynna um óviðeigandi tengingu við frétt

Bleiku Eldingunni barst þörf og réttmæt athugasemd í athugasemdakerfi moggabloggsins fyrr í kvöld, þar sem bent var á að rétt væri að skoða kvennaframboð til Alþingis árið 2011. Þetta styður Bleika Eldingin enda hallar mjög á rétt kvenna og eina lausnin er að konur stofni lista.

Bleika Eldingin sér strax fyrir sér eitt af baráttumálum: jafna með lögum hlut kvenna og karla á Alþingi.

S-S-S = Stelpur - sterkar - í sameiningu