Er þetta í lagi?

Bleika Eldingin hefur sett saman veggspjald sem sýnir á skemmtilegan og myndrænan hátt hversu einsleitur hópur það er sem skipar æðstu stjórnunarstöður þessa lands. Veggspjaldið er unnið með innblæstri frá vinkonu okkar henni Sóleyju Tómasdóttur og færslu sem hún skrifaði. Með því að smella hér getið þið skoðað stærri útgáfu.

Athugasemdir

[Hlynur Hallsson, 4.4.2007 kl. 07:37]

Nei, þetta er ekki í lagi. Breytum þessu í vor. Flott veggspjald. Bestu bleikukveðjur

[Helgi www.helgi.wordpress.com (IP-tala skráð) 4.4.2007 kl. 14:45]

Og hvað er svona mikið að þessu, hvað með þær konur sem eru í forstjórastöðum???? Hér fara fram fordómar og fáviska á því stigi sem gerist á hæðsta stigi hér á netinu, skil ekki að þið teljið ykkur málefnalegar og annað, þið eruð sjálfsagt fyrstar/fyrst til þess að skammast yfir kommentum undir dulnefnum... hverjar eru þið?

[Bleika Eldingin, 4.4.2007 kl. 14:58]

Sæll Helgi. Þú veist það jafnvel og við að konur eru mun færri en karlar í forstjórastöðum. Þetta er til þess gert að vekja umræðu um þessi mál!

Við komum ekki fram undir nafni vegna þess að það gæti orðið skaðlegt bæði frama- og tekjumöguleikum okkar. Það er ástæðan fyrir því að við kjósum að hafa þennan háttinn á, en vonandi mun barátta okkar hér breyta þeim viðhorfum og við getum komið fram undir nafni einhvern daginn.

Bleika Eldingin mælir með því fyrir þig Helgi að þú setjir aðeins upp gleraugu sem sýna þér þetta í réttu ljósi, eins og við stelpurnar. Koma svo Helgi, við vitum að þú getur það.

[www.sbs.is (IP-tala skráð) 4.4.2007 kl. 18:07]

auðvitað er hópur sem er valinn sérstaklega til að vera einsleitur einsleitur. ef ég mundi kaupa m&m pakka, velja bara bláu m&m-in úr og spyrja síðan hvort að m&m-in mín væru ekki einsleit, þá mundu flestir ábyggilega vera sammála um að þessi bláu m&m væru einsleit.

[Ingólfur Þór Guðmundsson, 9.4.2007 kl. 15:42]

Afhverju er t.d. ekki á þessum lista:

Rannveig Rist ? Hún er forstjóri eins stærsta fyrirtækis landsins Alcan (En þið væntanlega búin að útskrifa það fyrirtæki alveg), einnig var hún stjórnarformaður eins af stærstu fyrirtækjum landsins Símanum.

Svava Grönfeldt ? Fyrrum aðstoðarforstjóri Actavis og núverandi rektor Háskólans í Reykjavík.

Væri ekki í lagi að gefa þessum konum smá credit, í stað þess að setja upp veggspjald með helstu körlunum og gleyma (viljandi ? ) konum á þessu veggspjaldi.

Til þess eins að sýna ástandið verra en það í raun er !

[Kári S. Lárusson (IP-tala skráð) 9.4.2007 kl. 22:22]

Þetta er í fínu lagi.

Þetta eru alvöru fagmenn hver á sínu sviði . Hafa flestir staðið sig vel. Sé ekki að það hafi neitt með kynferði að gera. Hættið þessari minnimáttarkend og sýnið hvað í ykkur býr.

Góð byrjun væri að koma fram undir nafni og takast á við tilveruna. Hristið af ykkur kjarkleysið og ykkur mun ganga betur.

Verið minnugar þess að yfir 60 % háskólanema eru konur. Allir hljóta að gera sér grein fyrir hvað það hefur í för með sér. Þetta tekur tíma en mun  leysat af sjálfum sér.

Mennt er máttur sem þið skuluð ekki vanmeta.